الموبايل بتاعه رن.
رنّة واحدة.
واتنين.
وتلاتة.
فتح الشاشة بسرعة.
ولقي رسالة من مدير الحسابات في الشركة.
“البنك جمد كل الحسابات.”
بعدها رسالة تانية.
“الرقابة الإدارية وصلت.”
ورسالة تالتة.
“الموظفين عرفوا كل حاجة.”
إيده بدأت ترتعش.
حصري على صفحه روايات واقتباسات
وقع الموبايل من إيده على الأرض.
بصلي بنظرة كلها كره.
وقال:
“إنتِ دمرتي حياتي.”
ابتسمت بهدوء.
وقلت:
“أنا؟… لا يا حسام.”
وسكت شوية.
“اللي دمر حياتك… هو غرورك. كنت فاكر إن كل الناس تقدر تضحك عليها.”
فجأة…
صوت جه من آخر القاعة.
“استنوا!”
كلنا بصينا ناحية الباب.
دخل راجل كبير في السن، لابس بدلة شيك، وسنده على عصاية.
أول ما حسام شافه…
اتجمد مكانه.
وقال بصوت واطي:
“عمي عبدالقادر…”
الراجل قرب وهو بيبص حواليه.
وقال: حكايات منــال عـلـي
“أنا كنت ساكت سنين… عشان أخويا مات.”
وبص لحسام.
“لكن بعد اللي شوفته… السكوت بقى حرام.”
مد إيده للظابط، وسلمه ظرف قديم لونه أصفر.
وقال:
“الظرف ده فيه وصية أبو حسام الأصلية… والوصية دي عمرها ما اتفتحت.”
أم حسام شهقت وهي بتجري ناحيته:
“لا… الظرف ده اتحرق!”
الراجل رد بهدوء:
“اللي اتحرق… كان النسخة المزورة.”
المأذون قفل الدفتر قدامه.
وقال:
“واضح إن كتب الكتاب النهارده مش هيكمل.”
بصيت لفستاني الأبيض…
وبعدين بصيت للباب المفتوح.
حكايات منــال عـلـي
وحسيت لأول مرة من شهور…
إني بتنفس.
لكن جوايا كان إحساس غريب بيقولي…
إن اللي اتكشف النهارده…
ما هوش غير أول خيط.
وإن السر الحقيقي…
لسه مستخبي جوه الظرف القديم اللي الكل كان فاكره اختفى من سنين…
القاعة كلها كانت ساكتة…
لدرجة إن صوت أنفاس الناس بقى أوضح من أي كلام.
عم عبدالقادر مد الظرف للظابط وقال:
“اتفضل… افتحه قدام الكل.”
أم حسام جريت عليه وهي بتصرخ:
“لا… أوعى تفتحه!”
لكن الظابط أخد الظرف، وفتح الختم القديم بكل هدوء.
طلع منه شوية ورق اصفرّ لونه من الزمن.
بدأ يقلب فيه…
وفجأة رفع عينه ناحية حسام.
وسأله:
“إنت متأكد إنك الوريث الوحيد لشركة والدك؟”
حسام حاول يبان ثابت.
“طبعًا… وكل الورق معايا.”
الظابط رفع أول ورقة.
“الغريب إن الوصية الأصلية بتقول غير كده.”
همهمة كبيرة ملأت القاعة.
الظابط كمل:
“المرحوم كتب بوضوح إن نص الشركة يفضل باسم شريكته الأستاذة فريدة… والنص التاني يتقسم بين ابنه بعد ما يتم التلاتين سنة… بشرط إنه يثبت أمانته ويحافظ على الشركة.”
فريدة غمضت عينيها وهي بتحاول تمنع دموعها.
أما حسام…
