شيلي المعلقة من الأرض يا ندى.. كُونِك حامل من ابني ده ما يخليكيش ست البيت هنا!.. الحموات الفاتنات نسوا إن رب البيت مش غايب! المليونير رجع بيته فجأة ومن غير ما حد يعرف، ودخل يتاخد على غرة لما شاف مراته الحامل في السبع شهور لابسة مريلة المطبخ ورجليها وارمة من الخدمة والوقفة لضيوف حماتها، ووقعة المعلقة كانت القشة اللي قطعت ظهر البعير!
شيلي المعلقة يا ندى.. كونِك حامل من ابني ده ما يخليكيش ست البيت هنا!
الست ثريا رمت المعلقة من إيدها جنب جزية كوتشي ندى ب استعلاء وقسوة..
في صالة الأكل، الضيوف سكتوا كلهم وبصوا ل بعض ب إحراج.. ندى كانت حامل في الشهر السبع، لابسة مريلة مطبخ رمادي فوق فستانها، ورجليها كانت وارمة جداً من كتر الوقفة والشغل لحد ما بقت بالعافية داخلة في الصندل!
بصت ل المعلقة المرمية على الأرض.. وبعدين رفعت عينها وبصت ل حماتها ب ثبات
أنا مش هؤطي أشيل حاجة.
جيهان، بنت أخت الست ثريا، ضحكت ب تريقة وهي قاعدة على السفيرة
يعني عشان تطلبي حقوقك وتتشرطي عندك صحة.. إنما تنضفي المعلقة لأ!
ندى حطت صينية الأكل على التربيزة.. إيد كانت عرقانة ومبلولة من المطبخ، والإيد الثانية مسنودة على بطنها من كثر الوجع.
ورا الباب اللي كان موارب سنة، كان أحمد الزيني واقف ومصدوم من اللي بيسمعه ب أذنيه!
أحمد كان رجع من سفريته في إسكندرية بدري 4 أيام عن معاده.. وفي جيب جاكيتته كان شايل كوتشي أطفال أصفر صغير كان اشتراه ل بنته المنتظرة.. كان متخيل إنه هيدخل يلاقي مراته مرتاحة، فيعملها مفاجأة، ويحس ل أول مرة ب خبطات بنته في بطن ندى اللي كان بيسمع عنها بس في الفيديو كول!
ما كانش يخطر على باله أبداً إنه يدخل يلقى مراته بتتذل وبتستأذن عشان تقعد في بيتها!
زق الباب ودخل ب هيبة..
الست ثريا وُشها جاب ألوان واصفرّت
أحمد!.. حبيبي، ما كناش نعرف إنك…
عدى من جنبها من غير ما يرد، وطأ جاب المعلقة من الأرض وحطها على السفيرة.. وبعدين شد كرسي وقرّبه ب حنية ل ندى
أنتِ تعبانة يا ندى؟
ندى حاولت تتكلم وتتمالك نفسها.. بس أول ما شافته، كل القوة اللي جمعتها عشان تدافع بيها عن نفسها انهارت، والدموع جرت في عينها
ضهري بيموتني.. وتعبانة أوي يا أحمد.
أحمد نزل على ركبته قدامها ب لهفة
قومي معايا.. هنروح الدكتور فوراً يطمن عليكي.
حماته ثريا اتدخلت ب سرعة عشان تلم الموضوع
يا أحمد بلاش تهويل وتكبر الموضوع! هي اللي كانت عايزة تساعد وتخدم بنفسها.. محدش غصب عليها حاجة!
ندى رفعت وُشها.. ولأول مرة في حياتها، قررت إنها ما تحميش حد ولا تخبي الحقيقة
كذابة.. ده ما حصلش!
قبل 4 شهور، أحمد كان مسافر عشان يخلص صفقة شراء سلسلة فنادق جديدة.. الشغلانة اللي كان مفروض تاخد أسبوعين، طوّلت بسبب الإجراءات والشغل.
ندى هي اللي شجعته يسافر.. هي أساساً ممرضة، وكانت أخدت إجازة بدون مرتب بسبب الحمل، وعلى أمل ترجع ل شغلها بعد الولادة.. ندى ما اتجوزتش أحمد عشان فلوس عيلة الزيني، هي بنت ناس وعاشت طول عمرها تعرق وتشتغل معاه ويبنوا حياتهم سوى من الصفر.
أبوها، عم إبراهيم، كان ميكانيكي صيانة قديم قبل ما يفتح ورشة صغيرة في بنها.. ومات وندى عندها 25 سنة، وسابلها شرفه وسمعته وشوية أوراق وعلبة أدوات كانت شايلاها ذكريات عزيزة على قلبها.
الست ثريا عمرها ما خبت كرهها واستعلائها على أصل ندى..
قدام أحمد كانت تقول ب نفاق ما شاء الله يا ندى، بجد برافو إنك وصلتي ل المستوى ده!
ومن ورا أحمد، الكلام يتغير فيه ستات بيبقوا عارفين كويس أوي يتجوزوا مين عشان يطلعوا فوق!
أحمد كان بيعدي ده ويقول اختلاف طباع.. وندى حاولت تشرحله إن كلام أمه بيجرحها ويقلل منها
أمي طباعها حادة شوية يا ندى، بس من جوة طيبة وبتحبك! كان دايماً يهديا ب الجملة دي.
ومع الوقت، ندى سكتت وما بقتش تشتكي.
بعد سفر أحمد ب 3 أيام، ثريا جابت شنطها وجت عاشت في فيلا التجمع الخامس ب حجة إنها جاية تسلّي ندى وتاخد بالها منها..
في الأول كانت بتجيب ورد، وتعمل شاي، وتسأل على مواعيد الدكتور.. وبعدين واحدة واحدة بدأت تتحكم في كل حاجة تغير مواعيد الأكل، تشتري اللي هي عايزاه، وتأمر وتنهى في الشغالين!
وبعدها ب أيام، جيهان بنت أختها جات تقعد معاهم.. جيهان كانت ماسكة شوية حسابات ل العيلة، وعندها موهبة مرعبة في إنها تقلب أي قلة أدب أو قسوة ل نصيحة عملية!
الاثنين اتفقوا ومشوّا نص الشغالين ب حجة إن المصاريف زيادة مالهاش لازمة.. وما فاضلش غير عم جابر وشغالة واحدة اسمها رضوى بقالها 16 سنة في البيت.
ندى بدأت تساعد رضوى في المطبخ عشان الست الكبيرة ما تتهدش في الشغل لوحدها ل وش الفجر..
ف ثريا استغلت ده، وحوّلت المساعدة ل فرض وواجب على ندى!
الأول كانت غسيل كوبايات.. وبعدين كوي الهدوم.. وبعدين طبخ عزومات ل ضيوف ندى أساساً ما تعرفهمش!
ولما ندى اعترضت، ثريا فكرتها ب لؤم إن رضوى محتاجة الشغلانة دي، ولو اعترضت هيجيبوا شغالة صغيرة ويمشوا رضوى!
ندى كانت بتتكسف كمان تعترف ل أحمد إنها فقدت سيطرتها على بيتها وهيبتها فيه..
حتى الفيزا الكارت الإضافية اللي أحمد سايبهالها ل
