بقلم زهرة الربيع

البيت بالنسبة لي طول عمره هو المكان الوحيد اللي بحس فيه بالأمان، وخصوصاً بعد ما ربنا رزقنا ببنوتتنا الصغيرة فريدة. طفلة عندها ٤ سنين، حتة سكرة بتنور دنيتنا، ضحكتها بتنسينا أي . انا واحمد جوزي متعودين على الهدوء ومبنحبش المسؤليه وعشان كده حتى العصافير أو القطط الصغيرة عمرنا ما فكرنا نربيها! ملناش في جو تربية الحيوانات ده خالص. بس أحمد عنده صاحب عمره، اسمه سامح. سامح ده عاش فترة طويلة من حياته بره مصر، ومن يوم ما عرفناه وهو شخصيته مختلفة شوية، بس أغرب ما فيهواللي كنا دايماً بنعتبره مجرد هواية مجنونة بنسمع عنها في الحكاياتإنه بيعشق الكائنات جداً! تعابين، عقارب، زواحف ... حاجات تعصر القلب من مجرد النظر ليها. وكان بيحب حيوناته جدا كانهم افراد عيلته، دايما الحيوان او الزاحف اللي معاه بيبقى مهتم بيه جدا ويجبله الاكل بتاعه مستورد .ويصممله طريقة سكن تناسبه في يوم، تليفون أحمد رن وكان سامح على التليفون. كان مقلق جداً، وقال لأحمد إنه جاله اتصال من والدته ولازم يسافر بره مصر فوراً لمدة أسبوع، والسفرية دي جت في ثواني ومش هينفع تتأجل. لحد كده الموضوع عادي، بس كانت في الطلب اللي طلبه بعد كده! سامح قال لأحمد بمنتهى البساطة يا أحمد، أنا ماليش غيرك أثق فيه. فيرو بتاعتي مش هينفع اخدها معايا ماما مش بتحبها. ومش هأمن أحطها عند أي حد من المحلات أو الناس الغربا. ممكن تخليها عندك؟؟ احمد قال بذهول!!! ايه افعى..... اخليها عندي ازاي يا سامح سامح قال بسرعه الصندوق بتاعها قزاز ومأمن تماماً، هي بس محتاجة تقعد عندك الأسبوع ده، وأنا محضر لها أكلها ومواعيده، أنت بس هتفتح الفتحة الصغيرة تحط الأكل وتقفل تاني... اعتبرها خدمة عمري ما هنساهالك! أحمد في الأول ارتبك جداً وتوتر، وقاله يا سامح يا حبيبي أنت عارفني، أنا بيتي فيه طفلة صغيرة واحنا اصلاً مش بتوع تربية حيوانات أليفة، طب هحافظ عليها إزاي ولا هتعامل معاها إزاي؟! بس سامح فضّل يضغط عليه ويتحايل بأسلوب يخلي أي حد يتحرج، وقالّه إنها مسألة حياة أو بالنسبة له، وإنه مش هيؤمن أي بني أدم تاني على روحه غيره. وللأسف... أحمد صاحبه عزيز عليه أوي، فوافق! دخل عليا أحمد البيت بالليل، وماسك في إيده صندوق قزاز ضخم تقيل جداً، . ولما بصيت جوه الصندوق... قلبي وقع في رجلي! أفعى ضخمة، جلدها مبقع بألوان تخوف، عينها ضيقة وباردة، بتتحرك ببطء مرعب جوه القزاز. أنا أول ما شفتها، صرخت بصوتي كله، وجريت لا شعورياً على فريدة بجمود وجسمي كله بيتنفض. إيه ده يا أحمد؟! أنت اتجننت؟! إيه اللي جايبه في بيتنا ده؟! طلع البتاع ده بره فوراً! دي أفعى يا أحمد، أنت فاهم يعني إيه أفعى؟! دي ممكن تبلعنا واحنا نايمين! أحمد حاول يهديني ويمسك إيدي بس أنا كنت ببعد عنه بذهول، رد عليا وهو متوتر ومحرج اهدي بس يا هدى، صلّي على النبي! سامح صاحبي في أزمة، ياما وقف جنبي وخدمني في حاجات كتير، ودي أول مرة في حياته يطلب مني خدمة. الموضوع كله أسبوع واحد بس! الأفعى جوه الصندوق ومقفول ومش هتشوفيها خالص. فضلت أصرخ وأبكي، ترجيته يوديها في أي دكان، أي جنينة، يسيبها في مكتبه، أي بعيد عن البيت وبنتي! بس أحمد كان قفل دماغه وقال كلمته خلاص يا هدى، أنا وأديت الراجل كلمة. أنتِ مالكيش دعوة بيها نهائي، ولا تقربي منها. كوابيس، لما أعدي من جنب بابها، بحس إن فيه شر مستخبى ورا الباب. مرت كام يوم وأنا عايشة على أعصابي، مش بعرف أنام ساعة على بعضها، بفضل اراقب بنتي طول الليل وهيه نايمه....لحد ما جه اليوم اللي مش هنسى تفاصيله طول ما أنا حية. في الوقت ده، فريدة بنتي صحيت. البنت كعادتها بتصحى بدري نشيطة وقبل ما أنا أصحى. قامت من جنب بصمت، وبدأت تتسحب وتلعب في البيت. وهي بتلعب، راحت ناحية الطرقة، دفعت الباب بإيدها ودخلت . لقيت الصندوق القزاز الكبير محطوط على الترابيزة الخشب اللي في نص الأفعى جوه كانت بدأت تتحرك وتتلوى بعد ما أكلت، وحركتها لفتت انتباه الطفولة والفضول اللي في بنتي. فريدة كانت مش فاهمة ايه الكائن ده، فاكراها لعبة كبيرة أو عروسة بتتحرك! بدأت البنت تلف حوالين الترابيزة بمرح، تضحك وتخبط بإيدها الصغيرة على القزاز... بس الأفعى ما كانتش بتتفاعل معاها زي ما هي عايزة. فريدة بدأت تمل، وبكل طيش الأطفال، مسكت طرف الصندوق القزاز التقيل، وبدأت تشد فيه وتزقه عشان تقربه منها... تشد وتزق... تشد وتزق... الصندوق التقيل بدأ يتحرك من على حرف الترابيزة، واختل توازنه في لحظة سودة! وفجأة...! صوت قزاز بيتدشدش على الأرض هز أركان كلها! أنا قمت من أحلى نومة مفزوعة، ريقي ناشف وجسمي كله بتتنفض منه . اتعدلت في وبصيت جنبي... ملقتش فريدة! صرخت بأعلى صوت عندي، فريدة!! فريييييدة!! ملقتش رد... جريت زي المجنونة في الطرقة حافية، ورجلي بتاخدني لا شعورياً على الفاضية اللي لقيت بابها مفتوح على آخره. أول ما حطيت رجلي على عتبة الباب، اللي شفته جمد الدم في عروقي ووقف قلبي عن النبض... الصندوق القزاز كان متدشدش لمية حتة...وفي نص ... الأفعى الضخمة المرعبة كانت خرجت بالكامل من ! بحجمها الرهيب وطولها اللي يخوف، كانت لافة كذا لفة حوالين وسط وجسم فريدة بنتي... واللي حصل بعدها مفزع اكتر بكتير !!!!!! زهرة_الربيع صلي على حبيب الله اتسمرت مكاني... حرفيًا مش قادرة أتنفس. فريدة كانت واقفة في نص الأوضة، وشها هادي بشكل غريب، بينما جسم الأفعى كان ملتف حوالين خصرها وصدرها كأنه حبل سميك بيتحرك ببطء. لسانها المشقوق كان بيخرج ويدخل بسرعة، وعينيها مثبتين على بنتي. أول رد فعل جالي إني أجري و فريدة... لكن رجلي مرضيتش تتحرك. افتكرت كلام سامح يوم ما كان بيشرح لأحمد أوعوا حد يعمل حركة مفاجئة قدامها... لأنها بتحس بالخطر. إيدي كانت بتترعش، ودموعي بتنزل من غير صوت. وفجأة... فريدة بصتلي بابتسامتها البريئة وقالت وهي بتضحك ماما... شوفي... الحبل ده بيلعب معايا! صرخت من جوايا، لكن كتمت الصرخة بإيدي. قلت لها بصوت خارج بالعافية حبيبتي... متتحركيش... خالص... ماما جاية. لكن الأطفال... أول ما قلت لها متتحركيش، لفّت وشها ناحيتي وهي بتحاول تاخد خطوة. في اللحظة دي... الأفعى شدت جسمها حوالين بنتي أكتر. سمعت صوت نفس فريدة اتغير، وبقت تقول وهي متضايقة ماما... واجعاني... حسيت إن الدنيا اسودت قدامي. جريت ناحية التليفون اللي في الصالة، وإيدي كانت بتخبط في كل حاجة من الرعشة. اتصلت بأحمد. رد بعد الرنة التانية خير يا هدى؟ أنا كنت بصرخ ارجع حالًا... الصندوق اتكسر... الأفعى خرجت... ولفت حوالين فريدة! فضل ساكت ثانيتين... وبعدين سمعته بيقول بصوت لأول مرة في حياته إوعي... إوعي تقربي منها! أنا هكلم سامح دلوقتي. قفل السكة. وأنا واقفة قدام باب الأوضة، مش عارفة أعمل إيه. كل ثانية كانت بتعدي كأنها ساعة. وفجأة... سمعت صوت زحف خفيف. الأفعى بدأت ترفع رأسها تدريجيًا... لكن مش ناحية فريدة... كانت بتلف رأسها ببطء... وبتبص عليا أنا. وفي نفس اللحظة... فريدة مدّت إيدها الصغيرة بكل براءة، وربّتت على رأس الأفعى وهي بتقول متخافيش يا ماما... دي طيبة. وفي اللحظة اللي لمست فيها رأسها... حصل شيء خلاني أصرخ بأعلى صوتي...الأفعى فجأة رفعت الجزء الأمامي من جسمها لفوق بسرعة مرعبة! أنا صرخت وحطيت إيدي على بقي من ، ومتوقعة في أي لحظة إنها تهاجم فريدة. لكن اللي حصل كان أغرب من أي حاجة تخيلتها... الأفعى فضلت ثابتة ثواني، ولسانها بيطلع ويدخل بسرعة، وبعدين بدأت تلف رأسها ناحية زاوية الأوضة. فريدة كمان بصت لنفس الاتجاه. وفي اللحظة دي سمعت صوت خربشة خفيف جاي من تحت الدولاب الخشب القديم. صوت غريب... صوت حاجة بتتحرك. الأفعى شدّت جسمها كله فجأة، وفكت لفة صغيرة من حوالين فريدة، وبدأت ترفع رأسها أكتر كأنها مستعدة تهاجم. أنا كنت هانهار. لكن قبل ما ألحق أعمل أي حاجة... خرج من تحت الدولاب جرذ ضخم بشكل مقزز! أكبر جرذ شفته في حياتي. كان بيجري بسرعة ناحية الباب. سابت فريدة في جزء من الثانية واندفعت ناحية الجرذ. أنا خطفت فريدة بكل قوتي. فريدة كانت مرعوبة من صراخي أكتر من أي حاجة تانية. بعد دقائق قليلة سمعت صوت مفاتيح الباب الخارجي. كان أحمد. دخل البيت وشه أصفر كأنه شاف . ورا منه سامح اللي كان راجع من السفر قبل ميعاده أول ما عرف اللي حصل. أول ما وصلوا للأوضة، سامح طلب مننا نفضل بعيد. ودخل هو وأحمد بحذر شديد. مرت دقيقة... اتنين... تلاتة... وأخيرًا فتح الباب. طلع سامح وهو ماسك صندوق نقل حديدي صغير. وشه كان متجهم جدًا. أول سؤال سألته وأنا ببكي فريدة كويسة... صح؟! قال الحمد لله كويسة. لكن نبرة صوته كانت غريبة. بص لأحمد وقال في حاجة أهم لازم تعرفوها. قلبي وقع. قلت إيه؟ سامح أخد نفس طويل وقال الأفعى دي عمرها ما كانت أخطر حاجة في ا سكت لحظة... ثم رفع غطا الصندوق الحديدي الصغير اللي جابه من جوه. وأول ما بصينا جواه... أنا وأحمد رجعنا خطوة كاملة لورا من ماكانش جرذ عادي خالص...! يتبع...أنا وأحمد بصينا جوه الصندوق، وكل واحد فينا مستني يشوف جرذ كبير وخلاص... لكن اللي شوفناه كان مختلف. كان جرذ ضخم فعلًا، لكن جسمه كله مليان قديمة، وفي رقبته آثار عضات واضحة، وشكله كان بطريقة مرعبة، لدرجة إنه كان بينط على جوانب الصندوق الحديد وهو بيطلع صوت يخوف. قلت لسامح وأنا لسه برتعش هو... هو ده اللي كانت الأفعى بتجري وراه؟ هز راسه وقال أيوه... ومن حسن حظكم إنها كانت شبعانة. لو كانت جعانة أو متوترة أكتر، كان ممكن تتصرف بشكل مختلف. قعدت على الكنبة وأنا مش قادرة أشيل فريدة من أما أحمد فكان واقف ساكت، وشه كله قال لسامح بغضب إنت خبيت عليا قد إيه؟! إزاي توافق أحط أفعى في بيت فيه طفلة؟! سامح وطى راسه وقال أنا غلطان... كنت فاكر إن الصندوق مستحيل يتكسر، ومكنتش متخيل إن طفلة تقدر تزقه. وفجأة... فريدة شدتني من هدومي وقالت ماما... بصيت لها. قالت وهي بتشاور ناحية آخر الطرقة الباب ده مفتوح. كلنا بصينا في نفس الاتجاه. باب .. كان مفتوح فعلًا. وسامح اتغير لون وشه. قال بسرعة مين فتحه؟ أحمد رد إحنا خرجنا وسيبناه مفتوح لما دخلنا. سامح جري على وبعدين سمعناه بيقول بصوت عالي يا نهار أبيض! جرينا عليه. لقيناه واقف قدام مكان الصندوق القزاز المكسور، وبيبص للأرض. قلت في إيه؟ أشار بإيده على الأرض. كانت فيه آثار زحف واضحة وسط تراب القزاز... لكنها ما كانتش رايحة ناحية الباب. كانت رايحة ناحية فتحة تهوية صغيرة أسفل الحائط. سامح قرب منها واتجمد مكانه. بص علينا وقال بصوت منخفض الجرذ اللي مسكناه... مش هو اللي كان مستخبي هنا من البداية. سكت لحظة، ثم أكمل كان فيه جرذ تاني... وآثار الزحف بتقول إنه هرب من فتحة التهوية قبل ما ندخل. في اللحظة دي حسيت بقشعريرة في جسمي كله. البيت اللي كنت فاكرة إنه رجع آمن... رجع يرعبني من جديد فضل سامح راكع قدام فتحة التهوية وهو بيبص جواها بالمصباح الصغير اللي كان في ميداليته. وبعدين قال بهدوء غريب محدش يقرب. أنا حضنت فريدة أكتر، وقلت بعصبية يعني إيه محدش يقرب؟! إحنا هنفضل قاعدين وفيه حاجة ماشية في مواسير البيت؟! أحمد كان خلاص أعصابه انهارت، وقال لسامح أنا من أول لحظة قلتلك إني مش هعرف أتعامل مع الموضوع ده. لو كان حصل لبنتي حاجة، كنت عمري ما هسامح نفسي. سامح ماردش. فضل مركز في آثار الزحف، وبعدها طلع تليفونه وكلم واحد صاحبه متخصص في التعامل مع الزواحف. قال له تعالى بسرعة... وماتنساش الكاميرا الحرارية. أنا استغربت. قلت كاميرا حرارية ليه؟ رد وهو لسه باصص ناحية الفتحة لو فيه أي كائن مستخبي جوه الحيطان، الكاميرا هتحدده. بعد حوالي نص ساعة وصل الراجل. دخل ومعاه شنطة كبيرة، وبدأ يلف بالكاميرا على الحيطان والأرض. كلنا واقفين ساكتين. فجأة... وقف قدام الحيطة اللي ورا أوضة فريدة. وبص للشاشة. اتجمد مكانه. قال بصوت منخفض استنوا... قرب الكاميرا أكتر. وبعدين قال فيه حرارة... قلبي وقع. قلت يعني إيه حرارة؟ قال فيه جسم حي... جوه الحيطة. أنا حسيت إن رجلي مش شايلاني. أحمد قال بسرعة أكيد الجرذ. لكن الراجل هز راسه وقال لأ... حجمه أكبر من جرذ. ساد الصمت. وسامح بص للشاشة هو كمان، واتغيرت ملامحه. همس مستحيل... أحمد مسكه من دراعه وقال مستحيل إيه؟! اتكلم. سامح بلع ريقه وقال دي... مش حرارة جرذ. كلنا بصينا للشاشة. كان واضح عليها شكل طويل ومتعرج... بيتحرك ببطء داخل الحائط... وفجأة... الشكل بدأ يتحرك ناحية فتحة التهوية اللي في فريدة. وفي نفس اللحظة... طلع صوت احتكاك خفيف جاي من جوه الحيطة... صوت بيقرب... ويقرب... لحد ما سمعنا صوت حاجة بتخبط في غطا فتحة التهوية من الناحية التانية. وساعتها... كل اللي في البيت رجع خطوة لورا في نفس اللحظة، وإحنا مستنيين نشوف إيه اللي هيخرج صوت الخبط زاد... خبطة... وبعدين خبطة أقوى... وفجأة غطا فتحة التهوية اتحرك سنة صغيرة. أنا حضنت فريدة ودفنت وشها في صدري، وأحمد مسك أول كرسي قدامه كأنه هيستخدمه يحمي بيه الباب. أما سامح، فرفع إيده وقال محدش يتحرك... لو اتفزع ممكن يستخبى في مكان أصعب. كلنا وقفنا ساكتين. ثانية... اتنين... تلاتة... وبعدين... طلع من فتحة التهوية رأس صغير. لكن... ماكانش رأس أفعى! كانت قطة بلدي هزيلة، جسمها كله تراب، وشكلها مرهق جدًا. خرجت وهي بتترعش، وبعدها جريت بسرعة ناحية باب . أنا قعدت على الأرض من شدة الارتياح. قلت وأنا بلهث الحمد لله... لكن الراجل المتخصص ما ابتسمش. فضل باصص على شاشة الكاميرا. قال بهدوء استنوا... لسه فيه مصدر حرارة تاني. لف الكاميرا مرة تانية. وبعدين اتجمد. قال أهو... كلنا بصينا. كان فيه جسم طويل تاني، أبعد شوية داخل الحائط. وسامح همس دي هي... الراجل هز راسه وقال واضح إنها دخلت فتحة التهوية بعد ما الجرذ، ومكملتش طريقها. أحمد قال بسرعة يعني الأفعى لسه جوه البيت؟! رد أيوه... لكنها جوه الحائط، ولازم نطلعها بالطريقة الصح. بدأوا يفكوا جزء صغير من الجبس عند مكان الكاميرا حددته. كل دقيقة كانت بتعدي كأنها ساعة. وأخيرًا... ظهر جزء من جسم الأفعى بين المواسير. سامح استخدم عصا خاصة، وبمنتهى الهدوء بدأ يوجهها ناحية صندوق النقل. الأفعى قاومت شوية... لكن بعد دقائق طويلة دخلت الصندوق بالكامل. أول ما قفل الغطاء الحديدي بإحكام، كلنا تنفسنا لأول مرة من ساعات. سامح هز رأسه وقال وأنا عمري ما هطلب من حد يحط مسؤولية زي دي في بيت فيه أطفال. أما أنا... فمن اليوم ده، بقيت أتأكد كل ليلة إن كل باب وكل شباك وكل مقفولين كويس، لأن لحظات اللي عشناها في اليوم ده مستحيل تتنسي بعد ما الأفعى اتحطت في صندوق النقل واتقفلت بإحكام، افتكرت إن الكابوس خلص. لكن وأنا بحاول أهدي نفسي، لاحظت حاجة غريبة. فريدة كانت ساكتة. ساكتة بشكل مش طبيعي. قعدت قدامها ومسكت وشها بين إيديا. قلت مالك يا حبيبتي؟ بصتلي بعينيها الواسعة وقالت بصوت واطي ماما... هي زعلت. اتجمدت. مين؟ قالت الأفعى... كانت بتبصلي وهي ماشية. أنا اعتبرت ده كلام طفلة صغيرة، وحاولت أغير الموضوع. لكن سامح، اللي كان بيقفل الصندوق، وقف فجأة وقال استني... قالت كانت بتبصلها؟ قلت بعصبية يا سامح، دي طفلة عندها أربع سنين. هز رأسه وقال عارف... بس فيه حاجة مش مفهومة. قرب من فريدة وسألها برفق هي عملت إيه لما لفت حواليكي؟ فريدة فكرت شوية، وبعدين قالت كانت بتزقني بعيد عن الدولاب. أنا وأحمد بصينا لبعض باستغراب. سامح سألها تاني وبعدين؟ قالت لما الوحش الأسود خرج من تحت الدولاب، سابتني وجريت وراه. ساد صمت طويل. أنا افتكرت الجرذ اللي شوفناه. لكن سامح قرب من الدولاب وبدأ يبص تحته كويس. وبعدين قال شيلوا الدولاب ده. أنا استغربت. دلوقتي؟ قال أيوه... حالًا. أنا وأحمد ساعدناه نزقه من مكانه. وأول ما اتحرك... كلنا وقفنا مصدومين. كان فيه فتحة قديمة في الأرض، متغطية بلوح خشب مهترئ، واضحة إنها موجودة من سنين، وإحنا عمرنا ما خدنا بالنا منها. سامح نزل على ركبته، ورفع اللوح بحذر. خرجت ريحة تراب ورطوبة قوية. سلط الكشاف لتحت... وللحظة، محدش فينا نطق. لأن الفتحة كانت عبارة عن تجويف كبير تحت أرضية ... وفيه عظام صغيرة متناثرة، وريش طيور، أعشاش قديمة. همس سامح واضح إن الجرذان كانت عاملة مستعمرة تحت البيت من زمان... وقبل ما يكمل كلامه... سمعنا صوت حركة خفيفة جاي من عمق التجويف... صوت... مش لجرذ واحد. كان صوت عشرات الحركات الصغيرة في نفس الوقت. أنا مسكت فريدة وجريت ناحية باب بينما أحمد ابتلع ريقه وهو بيبص لسامح. وسامح قال بهدوء اقفلوا