
مهران قعد على الكرسي اللي قدامه الشغل تمام يا جدي.. بس في موضوع أهم بكتير.. موضوع يخص عمتي فايزة.
أول ما الاسم اتقال، إيد الجارحي الكبير اترعشت على العصاية، وعنيه لمعت بدموع حاول يخبيها بكبريائه فايزة؟ إيه اللي فكرك بيها؟ أنا قايل الاسم ده ميتنطقش.
مهران طلع الجواب وشهادة الميلاد وحطهم في إيد جده فايزة ماتت من أربعين يوم يا جدي.. وسابتلك أمانة. سابت بنت اسمها زينب.. نسخة منك ومنها.
الجارحي الكبير مسك النظارة بإيد بترجف، وقرأ الجواب. دموعه نزلت على الورق الأصفر القديم. قرا كلام بنته اللي عاشت وماتت غريبة. بكى الجارحي الكبير لأول مرة من سنين.. بكاء ندم وشوق.
بنتها فين يا مهران؟ بنتها فين يا بني؟
مهران في الحفظ والصون يا جدي.. نقلتها شقة الزمالك لحد ما تترتب الأمور.
الجارحي الكبير وقف بصعوبة وسند على مهران تترتب إيه! دي تيجي هنا.. تعيش في حضني.. تعوضني عن السنين اللي راحت من عمر عمتك في الغربة. هاتهالي يا مهران.. هاتلي ريحة فايزة.
شقة الزمالك.. وبداية جديدة
الساعة بقت 9 بالليل. زينب كانت قاعدة في شقة الزمالك الواسعة والمطلة على النيل. الشقة كانت قمة في الفخامة والهدوء. محمود
دفع كل الديون اللي عليها، وجاب شنطها البسيطة وحطها في الأوضة. كانت قاعدة مش عارفة تتحرك، حاسة إنها في حلم وخايفة تصحى منه.
الباب خبط.. فتحت لقت مهران واقف ببدلته بس مغير الجاكيت، وعلامات التعب والراحة في نفس الوقت باينة على وشه.
مساء الخير يا زينب.. استقريتي؟
زينب بخجل الحمد لله.. شكراً ليك جداً يا مهران بيه.. أنا مش عارفة أشكرك إزاي.
مهران ابتسم ابتسامة خفيفة لأول مرة مبدئياً كده.. مفيش بيه. أنا ابن خالك مهران. وشكراً دي متتقالش بين الأهل.
دخل مهران وقعد أنا جيت من عند جدي.. جدي بكى لما عرف، وعايز يشوفك بأسرع وقت. بس أنا قولتله نسيبك ترتاحي يومين وتستوعبي الوضع. والجامعة.. كلمت عميد الكلية بنفسي، ورقك كله هيتظبط وهترجعي تحضري من الأسبوع الجاي، ومصاريفك وكل اللي تحتاجيه هيوصلك لحد عندك.
زينب دمعت أنا بس كان نفسي أمي تكون شايفة ده.. كانت دايماً بتموت من الخوف عليا لما تسيبني لوحدي.
مهران قام وقرب منها، وطبطب على كتفها بحنان أخوي هي شيفاكي ومطمنة دلوقتي.. لأنك بقيتي في حماية مهران الجارحي. يلا ارتاحي، وبكرة هعدي عليكي بنفسي عشان نخرج نشتري حاجات تناسب مكانتك الجديدة، وبعده هنروح
لجدي.
العودة للحضن الكبير
بعد يومين من الترتيبات وشراء ملابس تليق بحفيدة الجارحي، عربية مهران وقفت قدام فيلا المعادي. زينب كانت لابسة فستان أنيق ومحتشم، وقلبها بيدق بسرعة البرق.
دخلت ورا مهران.. وأول ما وصلت الصالون، لقت الراجل العجوز ذو الهيبة واقف ومستنيها. أول ما عين الجارحي الكبير جت في عين زينب، شاف فيها بنته فايحة وشاف فيها شبابه هو شخصياً.
فتح دراعه وهو بيقول بصوت مكسور من الشوق تعالي يا زينب.. تعالي يا بنت الغالية.
زينب من غير ما تحس، جريت عليه وارتمت في حضنه وبكت.. بكت على كل الأيام الصعبة اللي عاشتها، وعلى أمها اللي ماتت وحيدة. الجارحي الكبير كان بيطبطب عليها ويبوس رأسها سامحيني يا بنتي.. سامحوني.. نورتي بيتك ومكانك.
مهران كان واقف بعيد، باصص للمشهد وهو حاسس برضا تام. الحمل اللي كان على كتفه خف، والوصية اتفذت.
مرت الشهور.. وزينب اتأقلمت على حياتها الجديدة، ورجعت كليتها وتفوقت كالعادة، وبقت هي النور اللي مالي فيلا المعادي على الجد. ومهران بقى هو السند والظهر اللي بتتحامى فيه من أي حاجة.
عائلة الجارحي رجعت تلم شملها تاني، والسر اللي اندفن من 25 سنة، طلع منه أمل جديد
غير حياة الكل للأحسن.
تمت.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”




