روايات وققص

قدام الشركه

زينب هزت راسها
قالتلي إن أهلها ماتوا زمان.. وإني مليش غيرها.
مهران رجع قعد على مكتبه وسند ضهره.
إسمك زينب.. وفايزة الجارحي تبقى عمتي. أخت أبويا الله يرحمه. يعني إنتي.. بنت عمتي.
زينب برقت وعنيها وسعت
إيه؟ عمتك؟ يعني إنت.. إنت تبقى..
أبقى ابن خالك.
قالها بهدوء.
السكرتيرة دخلت المكتب عشان تقوله ان عنده اجتماع مهم دلوقتي بس مهران شاورلها تمشي من غير كلام.
بص لزينب وقال
من النهاردة إنتي مش لوحدك. وصية عمتي انك تكوني في حمايتي.. انتي ساكنه فين دلوقتي ؟
ردت بخجل في شقة إيجار.. أوضة وصالة. صاحبة البيت اديتني مهلة شهر عشان الإيجار متأخر.
مهران مسك تليفونه وكلم محمود مدير مكتبه
يا محمود.. جهزلي عربية تطلع مع الآنسة زينب حالاً تلم حاجتها كلها من الشقة اللي هي ساكنه فيها.. وادفع الإيجار المتأخر عليها واي ديون هناك..
وبص
ل زينب وكمل كلامه وهاتلي المفتاح بتاع شقتي اللي في الزمالك..
قفل وبص لزينب اللي كانت لسة مصدومة
هتقعدي في شقة الزمالك لحد ما نشوف هنعمل إيه. ومفيش حاجة اسمها تسيبي الكلية. مصاريفك كلها من النهاردة مسؤوليتي. ده مش إحسان.. ده حقك. إنتي لكي ورث والدتك من عيلة جارحي.
زينب كانت عايزة تعترض بس مهران كمل
وأنا لازم أبلغ جدي. الجارحي الكبير له حق يعرف إن حفيدته رجعت.
زينب بلعت ريقها وقالت
هو.. هو هيقبلني؟ بعد اللي أمي عملته؟
مهران قام وقف وعدل جاكتة بدلته، وبص لزينب بنظرة كلها ثقة وقوة، النظرة اللي ورثها عن جده وأبوه. وقال بصوت رخيم وثابت
جدي عجز يا زينب.. بس قلبه عمره ما قسي على عمتي فايزة. السنين والبعد هما اللي كانوا مخلين الكل ساكت. جدي لما يعرف إن ريحة فايزة رجعت تاني للدراية، مش بس هيقبلك.. ده يمكن الروح ترد فيه من جديد. قومي معايا.
خرج مهران وزينب من المكتب، السكرتيرة والموظفين كانوا بيبصوا باستغراب.. مهران الجارحي اللي مبيبتسمش ومبيقطعش اجتماع عشان أي حد، خارج بنفسه بيوصل بنت بملابس بسيطة لحد الأسانسير!
أول ما وصلوا للدور الأرضي، كان محمود مدير المكتب واقف ومعه السواق وحرس مهران. مهران التفت
لزينب وقالها
محمود هيروح معاكي.. أي حاجة تخصك وتخص عمتي

الله يرحمها خديها. متسبيش ورقة واحدة. وأنا هسبقك على فيلا المعادي.. هقعد مع جدي وأمهد له الموضوع، وعلى بليل هعدي عليكي في شقة الزمالك أطمن إنك استقريتي.
زينب هزت رأسها وهي لسة مش قادرة تستوعب السرعة اللي حياتها اتقلبت بيها في أقل من ساعة. من بنت وحيدة مهددة بالطرد للشارع، لحفيدة عائلة الجارحي! ركبت العربية الفخمة مع محمود، والدموع في عنيها بس المرة دي كانت دموع راحة.. حست إن والدتها فايزة بتطمنها من حتة تانية.
مواجهة الكبير.. فيلا المعادي
تحركت عربية مهران بسرعة نحو المعادي. طول الطريق كان بيفكر في رد فعل جده الجارحي الكبير. الراجل اللي أسس الإمبراطورية دي كلها، واللي رغم قوته، انكسر جواه حتة يوم ما فايزة هربت واتجوزت منصور ضد رغبته.
وصل مهران الفيلا، دخل بهيبته المعتادة. الفيلا كانت هادية، ريحة الياسمين مغرقة المكان، والجداريات القديمة بتشهد على تاريخ العيلة. لقى جده قاعد في الجنينة، ساند إيده على عصايته الأبنوس، وناظر لبعيد.
مهران قرب وباس إيده مساء الخير يا جدي.. عامل إيه النهاردة؟
الجارحي الكبير بصوت مبحوح بس قوي مهران.. إيه اللي جابك في وقت زي ده؟ الشغل في البرج سايبينه
لمين؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى