حكاية ياسمين كتابة حماده هيكل كاملة
ايوه صح ..هو اكيد هو
ايوه بس ايه اللي يخليه يعمل كدا ..لو طمعان
في دهبها كان سىرقها وهرب ليه يفتلها !
قررت أتصل بزوجها وأبلغه
ازيك يا دكتور أنا حبيت أعزيك في زوجتك
ربنا يرحمها ويصبر قلبك
شكرا ..مين معايا
انا ياسمين
ياسمين !!
انا عندي معلومه مهمه ممكن تفيدك بخصوص وقاة زوجتك
معلومة ايه
انا عرفت الفاتل
سكت شوية وبعدها قال
مين هو
سواق حضرتك
أيه !! السواق بتاعي أنا
ايوه هو
وعرفتي أزاي
شوفت الخىدش اللي على ايده ليلتها وافتكرته
لما
كنت واقفه معاك مرة ..وهو جه يكلمك
وناولك المفاتيح وقالك ساعتها أنه عنده مشوار مهم
واحتمال مش هيرجع يوصلك ليلتها
انتي متأكدة من كلامك دا
ايوه طبعا انا حبيت ابلغك ..عشان مش عاوزه
شوشرة من البوليس والنيابة وكفاية اللي حصلي من تحت راسك ..بس دي شهادة حق كان لازم اقولها
خصوصا وان زوجتك كانت ست محترمه ..الله يرحمها
معلش انا مضطرة أقفل دلوقت عندي شغل
كان يوم صعب جدا والمستشفى
كانت في حالة طوارئ بسبب حاذثة أتوبيس أطفال
يومها كان لازم أبات في المستشفى عشان
في عجىز في عدد العاملين ولازم متابعه الأطفال المىصابين
بعد الساعه 11 كنت قاعدة مع زميلتي في الريسبشن
بنتكلم في شوية أمور ..وقالت هقوم اعمل لنا شاي
بعدها بدقايق كنت ماسكه الموبايل بقلب فيه
وسمعت صوت حد وقف فجأة قدامي
لو سمحتي
نعم !
