حكاية ياسمين كتابة حماده هيكل كاملة
كان لازم أدخل للمدير مباشرة وأن الدكتور مراد والحكيمه.
في بينهم مصالح كتير وهما ستر وغطا على بعض
في بلاوي كتير بتحصل في المستشفى
هو بيفوت لها تهىريب أدوية ومستلزمات طبية
في مقابل انها تسيبه يغىازل الممرضات
رجعت البيت وانا حزينه حاولت أخبي
عليهم أن في حاجه ..بس أمي حست بيا
وقالت متزعليش المهم
انك حافظتي على نفسك وعلى تربيتنا ليكي انا فخورة بيكي
بعد يومين كنت روحت للمستشفى التانيه عشان استلم شغلي الجديد ..واضح انه الدكتور الزفىت دا كان موصي عليا
بسبب المعاملة الصعبة اللي لقيتها هناك من الجميع
الكل فاكر
أن أخلاقي مش كويسه وبيتجنبوا التعامل
معايا إلا في حدود الشغل وبس
حتى وقت الراحه وساعة الأكل بكون قاعدة لوحدي
ومفيش حد جنبي
كنت مدايقه ومخنوقه جدا بسبب الوضىع دا
بس كنت بصبر نفسي واقول معلش بكره
يعرفوا أخلاقي كويس ويتأكدوا اني لا يمكن أعمل كدا
بعد اسبوعين وصلت المستشفى ست في منتصف العمر
عندها حالة تسىمم ..أتعمل لها غسيل معدة
واتحجزت كام يوم تحت الملاحظة
كنت انا ووحده تانية متناوبين على رعاية الحالة دي
واللي كان في توصية عليها جامد ..واكتشفت بعدين
انها زوجة الدكتور مراد اللي كان سبب في نقلي وتشىويه سمعتي ..حسيت اني عايزه انتىقم منه في مراته
بس قولت حىرام هي أيه ذنىبها ..هو اللي عمل كدا
واكيد متعرفش حاجه عن سىفالته
قابلني وانا عندها وشكرني على أهتمامي ومعاملتي
الكويسه مع مراته اللي كانت بتقوله أن ياسمين
طول الوقت جنبي ومش مقصره معايا في حاجه
مفيش داعي الشكر يا دكتور دا شغلي
وكمان جمايلك عليا ..وربنا يقدرني وأردهالك
هو انت تعرفها يا مراد
اه دي كانت شغالة في المستشفى معانا قبل ما تتنقل هنا
طب انا هخرج أمتى بقى
متقلقيش يا روحي كلها يومين تلاته بالكتير
وهترجعي البيت وياريت نبطل الأكل التيك واي دا
هو سبب اللي احنا فيه
معلش بقى يا حبيبي ..بس انا كنت
مستعجله
ساعتها وكمان المطعم دا نضيف جدا وانا متعوده اكل منه
يلا الحمدلله ربنا ستر
