رواية العاشق بقلم اسماعيل موسي

الشيخ قال فيه فرصه واحده ولازم نكون حذرين فى كل خطوه هنعملها، بعد ما انت مشيت من عندى انا طلبت منك تنتظر كنت عارف ايه إلى مستنيك هنا

اضطرتنى امشى وراك واجى لمكانهم، انا كنت هجيبهم عندى فى مجلسى يا عونى لكن دا هو الى حصل

يا شيخ من فضلك انا مش مستحمل قلى ايه إلى بيحصل معايا وهتساعدنى ازاى؟

مش انا الى هساعدك يا عونى، لكن ده إلى ممكن يساعدك وشاور الشيخ على ركن الغرفه

بصيت انا ومراتى على مكان إشارة الشيخ مشفناش حاجه الغرفه كانت فاضيه

الرعب تملكنا اكتر، الشيخ حاول يهدينا، قالت انا بس الى شايفه لكن انتم مش هتشوفه، الى واقف هناك الجىن العاشق

إلى كان بيكتب على المرايه والى خلى شبيهة مراتك تركب معاك العربيه وتروح عند اختها

والى كانت قاعده معاك من شويه

لما سمعت كلامه اترعبت اكتر، مراتى قعدت تعيط وبدأت تفقد اعصابها

الشيخ قال لا، بلاش استسلام دلوقتى احنا عندنا فرصه واحده ولازم كل واحد فيكم يكون بكامل تركيزه لو عايزين تخلصو من المصيبه دى

قلتله ايدى على ايدك يا شيخ

الشيخ قال مستعد يا عونى للى هقوله؟ انا عايزك تكون واثق فيا

قلتله مستعد يا شيخ اتفضل

الشيخ بص على ريهام مراتى وقال، المهمه الكبيره هتقع على اكتافك انتى يا مدام ريهام

وقبل ما مراتى تسأل كمل الشيخ، عشان ننقذ جوزك لازم توهمى الجـ,,ـن العاشق انك موافقه عليه

ريهام حطت ايدها على دماغها وقعدت تندب وانا صرخت فى وش الشيخ انت بتهبب تقول ايه؟

اسمعنى يا ابنى احنا مش بنلعب هنا، مراتك الوحيده إلى ممكن تنقذك

لا انا ولا اى شخص غيرى ممكن يننقذك من القرين المحرر

الا لو مراتك اقنعت الجىن العاشق انها بتحبه وسيب الباقى عليه

انا هخلى الجىان العاشق والقرين يتصادمو مع بعض

اختلاف مصالح يعنى وعشمى فى ربنا كبير ان واحد منهم يتخلص من التانى، بعدها انا هتصرف

قلتله طيب ولو محصلش حاجه من الى بتقوله؟

القصه بقلم اسماعيل موسى

الشيخ قال وقتها يبقى مفيش اى حل قدامنا

لازم الجـ,,ـن العاشق يتعارك مع القرين المحرر، طبعا دا هيكون بسبب مراتك

لان الجـ,,ـان العاشق هيعتبر ان مراتك ملكه ومش هيسمح للقرين يقرب منها او يأذيها

اسمع يا عونى مفيش وقت قدامنا، جدار الحمايه بيضعف وبعد شويه هنكون مكشوفين ليهم

انا همشى دلوقتى ومراتك لازم تعمل إلى اتفقنا عليه

لازم تحصل خناقه كبيره بينك وبين مراتك وتمد ايدك عليها

مراتك هتصرخ وتعيط وانت هتسيب الشقه، وقتها الجىن العاشق هيتدخل ومراتك هتسمحله يقرب منها… يتبع

الجزء العاشر و الأخير من هنااا

/كلام /1

#زمان من اكتر من تلاتين سنه وانا عندى عشر سنين كان فيه بنت صغيره بتظهر كل اخر الليل بتلعب تحت شجرة جميز جنب بتنا، لو انت سهران او معدى صدفه كان ممكن تشوف شكلها المخيف بوضوح وتسمع صوتها قبل ما تختفى، بيقولو انها كانت بتحب تلعب عند الشجره دى قبل ما تمىوت.

#كلام /2الأرواح حقيقه، تصدق، متصدقش حاجه تخصك ،الأرواح عايشه بينا، شىء غير ملموس لكنه قريب، الأرواح قريبه جدا منى ومنك، الأشباح بتمشى بينا من غير ما نشوفها لو جربت تفكر كتير فيها بالليل فى الضلمه بشرط تكون لوحدك صدقنى هتشوفها او هتلاحظ حاجه تدل على وجودها

#3 تسلل الشيخ من الشىقه خرج منها بهدوء كأنه حريص ان مفيش حد يشوفه

بعد خروجه / عونى وريهام عمالين يبصو لبعض، مجرد انك تعرف وجود أشباح حولك او حتى جىان عاشق وقرين محرر امر كفيل انه يوصلك للجنون

كانو بيحاولو يكونو طبيعين وحتى لما صوت اطباق بتتكسر فى المطبخ مجريوش بفزع او صرخو

راحو هما الاتنين المطبخ ماشين جنب بعض عشان يطمنو بعض وشافو الأطباق نازله من الرف بتقع على الأرض

امر كان مقصود وحس عونى ان فيه شىء مختلف

تجراء؟ وقاحه، حاجه غير مفهومه موجوده فى الشقه

صرخ عونى فى ريهام انتى مش راصه الأطباق ليه كويس؟

زعقت ريهام انا رصيتها كويس هعمل ايه يعنى؟

انتى بتردى عليا يا ريهام؟

بتزعقى فى وشى؟

ريهام بتحدى، ومردش عليك ليه؟ عملت انا ايه غلط؟

وجات اللحظه إلى بينتظرها كل رجل، رفع عونى ايده وضىرب ريهام على وشها بقلم قوى خلاها تشعر بالاهانه ولما رفع ايده تانى، اصل قلم واحد مش هينفع، شعر بألم فى دراعه كأن شوكه بتجرى فى عروقه وبتشك جلده

صرخ عونى من الألم، حس ان دراعه انشل، لكن بعد ما بعد عن ريهام دراعه رجع طبيعى

ريهام كانت هتقرب منه تشوف ماله لكن عونى غمزلها بعينه وياريته ما عمل كده

وقفت ريهام فى مكانها، بتضىربنى يا عونى؟ دى أخرت العشره إلى بينى وبينك؟

ورد عونى إلى مش عارف ايه علـ,,ـاقة قلم واحد بالعشره

فكل أنثى تستحق الصفع على وجهها مره واحده على الاقل خلال حياتها البائسه، ايوه بضىربك يا ريهام، بضىربك، وراح عونى يردهها كأنه كان بيتمنى يعمل كده من زمان

صرخت ريهام لو مديت ايدك عليا تانى يا عونى اقسم بالله مش هسكت

عونى ببرود هتعملى ايه يعنى؟

وقالت ريهام إلى كان نفسها تقولو من زمان، إلى كانت مجبره تكتمه جواها عشان تحافظ على بيتها

لو ضىربتنى يا عونى هسيب البيت مش بس كده مش هخليك تلمسنى تانى حتى لو وطيت على رجلى وبىوستها

وشعر عونى ان الموضوع تعدى كونه تمثيل وان ريهام بتتحداه فعلا وانه لازم يعرفها مقامها ويرجع ريهام بتاعت زمان إلى كانت بتترعب من سماع صوته، يرجع رجولته إلى مش بيملك غيرها، هجىم عونى على ريهام وضىربها تانى وتالت، نسى خوفه وانه تحت نظر عفىاريت وجىان، كان جواه غضب طلعه فى ريهام إلى كانت بتعيط بحق وحقيقى

اترزع زجاج الشباك فى الحيطه واتكسر مية حته رغم ان مفيش اى تيار هوا بره البيت

عمل صوت صاخب خلى عونى وريهام يبصو عليه فى وقت واحد

عونى وقف ضىرب فى ريهام وصرخ بصوت واضح، انا خارج بره مش قاعد فى البيت

خرج عونى ورزع الباب وراه وقلبه يكاد هيقف، القرين المحرر مع عونى خو عارف كده، عارف انه ماشى وراه، زى ما هو عارف ان الجىان العاشق مش هيأذى مراته

قعد عونى على القهوه شويه مش عارف هيعمل ايه، الشيخ طلب منه يتخانق مع ريهام ويسيب البيت لكن محددش وقت ولا أعطاه علم يرجع امتى البيت، عشان كده عونى حددها بينه وبين نفسه تلت ساعات

بعد ما خرج عونى من البيت ريهام جسمها كان مرعوب، متفهمه اتفقوا على ايه، بس مجرد معرفتها ان فيه جىان عاشق بيراقبها خلت جسمها مش على بعضه

ريهام كمان مكنتش عارفه هتعمل ايه ولا هيحصل معاها ايه

دخلت تغسل وشها وسابت باب الحمام مفتوح

على المرايه كان مكتوب، متأسف، انا حزين من أجلك، سيتوقف كل ذلك قريبا، ( اعدك)

بهلع مكتوم قعدت ريهام فى الصاله تفكر بصوت مسموع، ياترى مين الى كتب الكلام الحلو دا على المرايه؟

عونى وانا مخدتش بالى؟ كان عايز يصالحنى مثلا بعد ما ضىربنى؟

باقى الطباق إلى المطبخ اتكسرت مع سماعها لصوت غاضب

زى حشرجة خروف مديوح

ريهام حاولت تمسك اعصابها، وكملت بصوت عالى اصل انا معرفش حد غير عونى مهتم بيا

او ممكن يهتم بيا

اتكسرت باقى الأطباق فى المطبخ وسمعت ريهام صوت ميه مفتوحه فى الحمام

دخلت ريهام الحمام بحذر، كان مكتوب، هل تسمحى لى بحبك، وهل من الممكن أن تبادليني العشق؟

وقفت ريهام مبهوته، متجوزه عونى من خمس سنين عمره ما قلها كلام حلو زى كده ولا حتى احترم ادميتها

اول مره ممكن تختار، ولأنها مضطره تكمل فى اللعبه

قالت برعب انت مين؟

انكتب على المرايه، هل تسمحى لى بالظهور؟ عاهدينى ان لا تخافى، فانا لا احتمل رؤيتك خائفه

بين الرعب والفضول، قالت ريهام بحذر اظهر

ظهر قدامها شاب متوسط الطول، معقول الجمال، بعض الجىان ممكن يتشكلو فى هيئه بشريه

فضل واقف بعيد عنها، مقربش منها، ريهام كانت متلخبطه مش مصدقه إلى بيحصل قدامها

قالت ريهام حتى لو وافقت انى احبك، عونى جوزى هيمـ,,ـوتنى

قال الجىان العاشق عونى ميقدرش يقرب منك، قوليها وتبقى فى حمايتى؟

قالت ريهام وماله نجرب!

نفس اللحظه وصل تليفون لعونى من الشيخ، روح على الشـ,,ـقه دلوقتى حالا

طلع عونى على الشـ,,ـقه زى ما الشيخ قله، فتح الباب ودخل

لقى واحد موجود فى الشـ,,ـقه مع مراته

الايام إلى فاتت علمت عونى ان كل حاجه ممكن تحصل

عونى صرخ انا مين؟ وبتعمل ايه هنا؟

انا هقىتلك وهجىم على الشاب ده

قبل ما يوصله عونى تعرض لضىربه قويه لزقته بالحيطه وفضل متعلق فى الهوا

كل حاجه بعد كده حصلت بسرعه، عونى حس بحاجه بتحرره من القبضه دى

ثم عراك غير مرئى، عونى جرى خد ريهام مراته فى حىضنه

الشىقه كانت بتتكىسر كلها، كان فيها زلىزال، ضرىب وتكىسير، فوضى مرعبه

اكتر من نص ساعه تقريبا كل حاجه فى الشىقه اتكسرت

عونى وريهام قاعدين على الأرض، قلبهم هيقع من الرعب

لحد ما طلع دخان والدنيا هديت

مسمعوش اى حاجه بعدها، كانو قاعدين وسط الاثاث المكسر لحد ما الشيخ وصل

دخل الشيخ الشىقه وعلى وشه نظرة حيره، عونى وريهام جريو عليه، قولنا حصل ايه يا شيخ؟

الشيخ مش عارف اقول ايه، لكن فيه واحد منهم مىات والتانى رحل

عونى بثقه طبعا الجىن العاشق مىات؟

الشيخ لا ودا إلى محيرني، القرين أقوى من الجىان العاشق ازاى قدر ينتصر عليه؟

وراح فين اصلا؟

القصه بقلم اسماعيل موسى

عونى يعنى انا دلوقتى فى امان؟ الجىان إلى كان مرتبط بيا مىات؟

الشيخ نظريا ايوه، مفيش حاجه بتهددك دلوقتى لكن لازم ننتظر لحد الجىان العاشق ما يظهر وانا هتعامل معاه

النهار عدا بسلام، مفيش اى حاجه حصلت، بالليل الشيخ تأخر فى الرد عليهم

عونى قرر يروح يشوفه وريهام أصرت تروح معاه، اول ما وصلو هناك لقيو ناس كتيره موجوده، زحمه وصراخ، الشيخ مىات

عونى وريهام سابو المكان، عونى، اسمعى يا ريهام احنا لازم نجمع كل حاجتنا ونهرب من الشىقه

وصلو الشىقه الساعه عشره باليل، جمعو ملابسهم فى الشنط وقدر عونى يتأجر شىقه تانيه خدو العزال عليها

وصلو الشىقه الجديده، اخيرا قدرو يتنفسو بارتياح، تخلصو من الخطر إلى كان محاوطهم

رتبو كل حاجه فى مكانها، اتعشو ونامو

بعد منتصف الليل، عونى بيصرخ وهو نايم، ابعد عنى

ريهام، بتصحى عونى

عونى اصحى، اصحى

صحى عونى من النىوم، عنيه كانت مبرقه، ايده على رقبته بيدافع عن نفسه ضد حاجه ريهام مش شايفاها

لسانه طالع من بقه وبيصىرخ من الألم

مجرد دقايق وعونى توقف عن المقاومه، ايديه اتدلدت جنبه

روحه طلعت

حاجه زقت جسم عونى المبت من على السىرير جبته على الأرض

وقبل ما ريهام تصرخ ظهر الشاب نفسه إلى كان فى الشىقه القديمه

الجىان العاشق وكان على وشه أثر ضىرب وخربشه، جرـ,,ـوح عميقه

قال الشاب ان قلتلك مش هسمح لحاجه تأديكى او تاخدك منى!

انا كنت بدور على الحب من زمان ولقيته معاكى، دلوقتى انا وانتى هنعيش العمر كله مع بعض، مفيش حاجه هتقدر تفرق ما بينا

حاولت ريهام تصرخ لكن لقيت قوه خفيه بتمنع لسانها من الصراخ

تحكم من بعيد كأنها مأموره تعمل إلى بيطلب منها

الشرطه وصلت على الشىقه، نفس الضابط إلى كان بيحقق فى جىرايم القىتل السابقه

عونى مىات بنفس الطريقه، خنق فى الرقبه، طبعا مراته كانت المشتبه بيها لكن بصماتها مكنتش على الجىثه

الكلام إلى قلته ريهام مكنش مقنع لكن فى نفس الوقت كافى يخرجها من القضيه

مرات عونى فضلت مقيمه فى نفس الشىقه لسنين طويله

عمرها ما خرجت منها

حتى الجيران كانو بيسألو بعضهم هى بتاكل ازاى؟ومين بيجبلها طلباتها

لكن كل دا مكنش مهم، لأن بعد سنتين بالضبط ريهام اختفت من عالم البشر كله ومحدش شافها مره تانيه

#العاشق

تمت