جلال بصله.
— أكبر قد إيه؟
حسام ابتسم بثقة.
— يعني… بدل الـ25، خليهم 50 ألف.
جلال فضل ساكت ثواني.
وبعدين قال لأول مرة:
— هفكر.
ابتسامة حسام اختفت فورًا.
— هتفكر؟
— أيوه.
حسام قرب منه وقال:
— بس الموضوع ضروري يا حاج.
جلال بص في عينيه.
— قلتلك هفكر.
ومشي.
طول الليل، جلال ما عرفش ينام.
كان كل شوية يفتكر كلام يوسف.
«متديش فلوس لبابا تاني.»
والأغرب من الكلام نفسه، كان خوف الولد.
الطريقة اللي سكت بيها لما جلال حاول يسأله.
وكأنه خايف من حاجة أكبر منه.
أغسطس 11, 2026
0 5٬613 4 دقائق
