رواية العاشق بقلم اسماعيل موسي
من اول ما انتقلنا لشىىقتنا الجديده وكل ما اتصل بمراتى الاقى تليفونها إنتظار لاكتر من ربع ساعه ولما ترد عليه واسألها كنتى بتكلمى مين تحلف مكنتش بكلم حد، اصرخ فيها تليفونك كان انتظار؟ تقسم انها ما مسكت التليفون اصلا الموضوع اتكرر اكتر من مره لحد ما فرع صبرى، اخر مره حلفت عليها تسيب التليفون زى ما هو لحد ما ارجع وصلت الشىقه وجوايا بركان غضب مسكت التليفون وانا عايز اكتشف حيانتها راجعت المكالمات الوارده والخارجه مكنش فيه اى اتصال، الخط بأسمى عشان كده كلمت شركة الاتصالات وطلبت منهم يراجعو المكالمات وكان الرد مفيش مكالمات خالص! مراتى جنبى كانت عماله تعيط، حاولت أهديها، احنا كنا بنمر بأوقات صعبه متجوزين من خمس سنين ومفيش حمل حصل
خرجت الخط وكسرته قدامها واشتريت خط جديد واعتقدت ان الموضوع خلص لكنه كان يدوبك ابتدى
اتصلت من الشغل بسعاده ولقيت تليفون مراتى انتظار، مقدرتش امسك نفسى، اتجننت وخدت بعضى على الشىقه
فتحت باب الشـ,,ـقه لقيت تليفون مراتى مرمى على الكنبه ومراتى نايمه فى غرفتها والتليفون انتظار
فتحت التليفون مكنش موضح اى اتصال شغال فيه
مسكت دماغى من الصداع والحيره
فيه حاجه مش طبيعيه بتحصل معايا، بصيت لتليفون مراتى
مسكته وبكل قوتى خبطته فى الحيطه
التليفون اتكسر، جمعت قطعه المبعثره وطلعت خارج الشىقه رميته فى سلة المهملات
محاولتش ابرر لمراتى التليفون عملت فيه ايه، انا راجل مسيطر وطالما الست بتاكل وتشرب وتلبىس ملهاش اى حقوق عندى
روحت على شغلى وانا مقرر اشترى تليفون جديد لمراتى افاجأها بيه لما تقولى ان تليفونها اختفى
وتوقعت ان مراتى هتحاول تكلمنى بأى طريقه وتقولى ان تليفونها ضاع
لانى راجل شديد ومراتى مش بتخبى عنى اى حاجه
بس مراتى متصلتش بيا، وفكرت ان ده من خوفها منى ومن ردت فعلى، وقعدت ابص على زمايلى بابتسامه كأنهم عارفين انا عملت ايه وانا شاعر بالسعاده
طلعت من الشغل بدرى عشان افاجئ مراتى وانا فى الطريق جانى اتصال من البيت
كان نفس رقم مراتى
القصه بقلم اسماعيل موسى
قعدت اسب واشتم واقسمت لما اروح هضىرب مراتى واعاقبها
جابت تليفون من فين؟
وازاى اصلا عثرت على الخط إلى كنت مخبيه؟
فتحت المكالمه وقبل ما اشتم، جانى صوت محشرج مرعب
لا تفكر بالنىوم وانقطع الخط
طلبت الرقم اكتر من مره كان مقفول
وصلت الشىقه وانا بغلى من الغضب، فتحت الباب ودخلت على غرفة مراتى إلى كانت نايمه
ولما بصيت جنبها على الأرض تيبست فى مكانى وبقى اتفتح من الصذمه
بصيت على الأرض لقيت ايد مراتى ممدوده جنبها وهى نايمه والتليفون واقع على الأرض !!
التليفون إلى انا كسرته 100 قطعه بالأمس
مسكت التليفون بتردد بين ايديا، كانت حالته جيده وسليمه ولا كأنه تعرض لأى حاجه
حاولت اقنع نفسى انه مش التليفون إلى حطمته امس وانه تليفون شبهه لان دا مستحيل يحصل
لكن الحقيقه انه كان نفس التليفون إلى انا كسرته
فوقت مراتى وصحيتها من النىوم وانا بزعق، قامت من النىوم مزعوره بتسألنى فيه ايه؟
قلتلها انتى عثرتى على التليفون دا فين؟
ازاى التليفون وصل هنا وليه خرجتى من الشىقه؟
مراتى رفعت صوتها، انا لقيت التليفون مرمى على الترابيزه
ومعرفش انك كسرته او رميته
قلتلها بلاش كدب، انتى عايزه تجنينى صح؟ التليفون كان مرمى فى سلة القمامه انتى خرجتى وجبتيه هنا
مراتى قالت وحتى لو جبته، بص التليفون
دا منظر تليفون متكسر؟
مراتى كانت بتقول الحقيقه رغم كده ضىربتها لحد ما عيطت
كانت لبله مقيته كلها بؤس واحزان
سبت مراتى بتبكى ودخلت غرفة الأطفال، مكنتش طايق ابص فى وشها
بعد ما خرجت مراتى دخلت الحمام تغسل وشها من الدموع
لقيت مكتوب على المرايه بقلم الروج الأحمر
متعيطيش كل حاجه هتبقى تمام
مراتى ابتسمت، انا عمرى ما اعتذرت ليها، كنت كل ما اغضب بخرج اروح المقهى وكانت هى بتضغط على نفسها وتصالحنى
لكن المره دى كانت مختلفه ومراتى شعرت بالامتنان
مراتى غيرت ملابسها واتزينت ودخلت عليه الغرف من غير استأذان
صرخت فى وشها انتى غبيه؟
مش شايفه انى نايم؟
مراتى بصتلى باستغراب وصذمه وقالت انا كنت انك عملت كده عشان تصالحنى؟
قلتلها عملت ايه؟
قالت مش انت الى كاتب على مراية الحمام بالروج الأحمر
صرخت فى وشها بغضب وهكتب ليه على مراية الحمام ووشى فى وشك الاربعه وعشرين ساعه؟
مراتى قلت بصذمه، افتكرتها لفته رومانسيه منك بعد إلى عملته فيا
انفحرت فى وشها، لفته رومانسيه يا هانم؟
انا شغال ليل نهار وطالع عين امى وتقوليلى لفته رومانسيه؟
مش ناقص غير ادخل عليكى بباقة ورد كمان؟
قالت مراتى بعصبيه انا مطلبتش منك حاجه لقيت كلمه مكتوبه على المرايه وافتكرتك انت انت كمان كاتب انا وانتى لوحدنا، اعتقدت انك انت كتبتها
قلتلها خدينى اشوف الكلام ده، مشيت وراها ودماغى بتودى وتجيب
المرايه كانت نضيفه بتلمع مش مكتوب عليها حاجه
بلعت ريقى الناشف وغمرت مراتى بوصلة سباب معتبره
تابع المقال
قلتلها حضرى نفسك بكره هنروح نقابل شيخ
مراتى سألتني ليه؟
قلتلها فيه روح شريره ساكنه الشىقه دى وحكيتلها قصة التليفون بأختصار والى حصل معايا امبارح
مراتى مسكت التليفون الصغير فى ايدها وحركته، يعنى التليفون دا مسكون؟
قلتلها واضح كده انه مسكون
مراتى صرخت يا نهار اسود ولطمت وشها بغباء، واقسمت انى مش هتركها مع الشبح دا لوحدهم فى الشىقه
مراتى كان معاها حق، اذا كانت المرأه مش بتقبل بصرصور معاها فى الشىقه فى مابالك بعفريت؟
قراء الشيخ القراءن على مراتى وعلى التليفون وعليه انا شخصيآ
بعد مجه خدنى على جنب وقالى الروح مشيت، رحلت ولازم زوجتك تستحم بماء وملح لمدة أسبوع وترش ملح خلف باب الشىقه
طلعت من عند الشيخ وانا فرحان وسعيد وعشان اتأكد رنيت على رقم مراتى ولأول مره اسمع جرس التليفون
خدت مراتى فى حىضنى واعتذرت ليها، طلعت التليفون الجديد إلى كنت مخبيه عنها واديتو ليها مراتى فرحت بيه
القصه بقلم اسماعيل موسى
وخدت منها التليفون القديم إلى كان سبب الكوارث واحنا معدين من فوق الكوبرى القيته فى النيل
وصلنا الشقه وكان واضح انها هتبقى لبله سعيده ومفرحه
خدت حمام وقعدت ادخن سيجاره فى البلكونه لحد ما مراتى ما تستحمى ونتعشى
مراتى نزعت هىدومها وفتحت الميه يدوبك بتبص على المرايه لقيت … يتبع
الجزء الثالث من هنااا
#العاشق
3
كان منقوش بالدىم على المرايه بالخط العثمانى (انا هنا ممشتش، انت لى)
سمعت صراخ مراتى، جريت على الحمام، لقيتها منهاره عماله تعيط وبتشاور على المرايه
المره دى الكتابه متمسحتش زى المرات السابقه، قريت الكلام وخدت مراتى فى حىضنى على غرفة النىوم عشان أهديها
ركلت الباب برجلى بقوه ومشيت على السىرير وقبل ما اريح مراتى على السىرير، شفت التليفون إلى رميته فى النيل فى وسط السىرير
مراتى كانت منهاره وانا كنت مرعوب رغم كده حاولت اتماسك، خدت التليفون وحطيته فى جيبى من غير مراتى ما تاخد بالها
هديت مراتى وطمنتها اننا هنسيب الشىقه وخرجت فى الصاله مش قادر اتمالك نفسى
التليفون اشتريته من صديقى وكان لازم اعرف قصته ايه
اتصلت بصديقى لقيت تليفونه مقفول
بس انا كان عندى اصرار غريب اعرف قصة التليفون دا ايه
انا عارف عنوان صديقى رغم مرور فتره كبيره من غير ما نتواصل، من غير تفكير اخدت نفسى على عنوان صاحبى
احتجت اكتر من ساعه عشان اوصل
طلعت سلم العماره المتهالك للشىقه رقم 5، خبطت على باب الشىقه وانتظرت لحظه لحد ما الباب انفتح!!
كانت زوجة صديقى ثروت، اول ما لمحتنى ابتسمت ابتسامه صفره مريبه ومدت ايدها ازيك!
سلمت عليها وسألت على ثروت صديقى، زوجة ثروت سكتت لحظه وبصت على الأرض
بعد كده رفعت وشها، هو انت متعرفش؟
قلت معرفش ايه؟
قالت ثروت تعيش انت، مىات من اكتر من سنتين
بلعت ريقى بصذمه، ثروت مىات؟ طيب ليه محدش ادانى خبر؟
مراة ثروت قالت انا كنت فى ايه ولا ايه
عزيتها فى ثروت وانا مصىدوم مش عارف اقول ايه، مكنش فيه حاجه تانيه ممكن اعملها
وقررت امشى، ودعت زوجة ثروت وخلاص هحرك رجلى
التليفون إلى فى جيبى رن
برعب طلعت التليفون من جيبى وبصيت فيه كان رقم مجهول
مراة صديقى عنيها برقت وقالت انت كنت جاى تسأل على حاجه؟
بارتباك قلتها لا خلاص مفيش حاجه
القصه بقلم اسماعيل موسى
التليفون فضل يرن فى جيبى من غير توقف
مراة صديقى أصرت انى ادخل وقالت انها متأكده انى عايز اسأل على حاجه
دخلت وقعدت، قلتلها الصراحه انا كنت جاى اسأل ثروت عن التليفون ده وطلعت التليفون من جيبى
بصت للتليفون بتركيز ولسانها حاول يتكلم بعد كده سكتت
انتظرت اكتر من دقيقه، وشها اتلخبط لحد ما نطقت، سألتها متعرفش التليفون دا ثروت اشتراه من فين؟
قالت لا معرفش ومن فضلك متسألنيش عن اى حاجه تخص التليفون ده
بصيت عليها بضعف، من فضلك اى كلمه ممكن تساعدنى، انا فى مشكله كبيره وعايز اعرف قصة التليفون ده؟
صرخت فى وشى قلتلك معرفش واتفضل اطلع بره
مش عارف ليه حسيت انها مخبيه عنى حاجه مهمه، الحيت عليها تقولى اى حاجه
مسكت دماغها بين ايديها واختفت فى المطبخ دقيقه ورجعت مدت ايدها وقالت مع السلامه وعنيها بتبص على التليفون إلى مبطلش رن
خرجت من الشىقه وانا ضامم ايدى على الورقه إلى مراة ثروت دستها فيها وانا بفكر ليه عملت كده؟
كان عندى فضول اقراء الورقه لكن عقلى كان بيقولى فيه حاجه غلط
ليه متلكمتش على طول؟
ليه اديتك ورقه
هى خايفه من ايه
قبل ما اوصل البيت مقدرتش اقاوم فتحت الورقه وقريتها
كان مكتوب فيها، ثروت خد التليفون من جيب جىثه
ثروت كان شغال مسعف طبى وفيه حوادث كتير بتحصل على الطرق وناس مش بيعرفو أهلها
التليفون كان فى جيب جىثه؟
طيب ثروت اخده ليه
وليه باعه ليا؟
قبل ما ادخل الشىقه وعقلى بيغلى من الأفكار تذكرت حاجه مهمه
تاريخ وقاة ثروت إلى مراته قالت عليه وهو نفس التاريخ إلى اشتريت فيه التليفون من ثروت
خبيت الورقه فى جيبى ودخلت الشىقه لقيت مراتى قاعده سرحانه، اول ما شافتنى قالت احنا هنسيب الشىقه امتا؟
انا مش طايقه اقعد فيها
قلتلها فى أقرب فرصه هنمشى من هنا متقلقيش
اللبله عدت على خير، تانى يوم الصبح الساعه تسعه لقيت باب الشقه بيخبط، خبط عىنيف
فتحت الباب، لقيت واحد شرطى واقف على الباب
بسأله فيه ايه؟
قال رئيس المباحث طالبك فى القسم
حاولت اعرف منه السبب مردش عليا
غيرت هىدومى وروحت على القسم، دخلت على ضابط المباحث وقعدت
بصلى ضابط المباحث بتركيز وقال احنا عايزين منك شوية معلومات
قلتله خير يا باشا؟
قال مراة ثروت مىاتت فى شىقتها امبارح وانت كنت اخر واحد عندها… يتبع
الجزء الرابع من هناااا
#العاشق
4
قعدت افكر !! الشرطه مش بتعترف بالعىفاريت والجىن والحجات دى ولو قولت الحقيقه مش بعيد يدخلونى مستشفى المجانين!!
كان لازم الاقى كدبه مقنعه لأن الشرطه مش بتصدق الحقيقه
قولتله يا باشا انا كنت عندها فعلا، كنت رايح اسأل عن صديقى ثروت واكتشفت انه مىات!
بصلى ضابط الشرطه باستغراب، انت عبيط يا ابنى؟ ثروت مىات من اكتر من سنتين، ازاى لسه عارف؟
قلتله والله ما كنت اعرف يا باشا، معرفتش غير لما روحت الشىقه وحزنت جدا عليه
اخباره كانت منقطعه عنى من اكتر من سنتين ومعرفتش انه مىات
) بصلى الضابط وقال، مقىطوعه بقالك سنتين؟ ايه فكرك دلوقتى!
قلتله يا باشا انا مطولتش هناك، يدوبك قعدت عشر دقايق ومشيت على طول، نصيبى كده بقا يا باشا
سألنى، ضابط الشرطه كنتو بتتكلمو فى ايه؟
قلتله كنت بعزيها، بواسيها ياباشا دى مراة صاحبى برضه
ضابط المباحث قالى غريبه، الجيران بيقولو كلام غير ده
بيقولو انهم سمعو صوت عالى، وسمعو مرات ثروت بتقولك بوضوح اطلع بره
جسمى اتبرجل فى بعضه، قلتله يا باشا انت عارف زى واكتر ان عمارة ثروت مفيش عماير ولا بيوت قريبه منها
وان أقرب مبنى منها على بعد اكتر من 200 متر
ازاى سمعو الصوت؟؟
قال ضابط المباحث، هو دا الغريب فى الموضوع، الجيران بيقولو سمعو بوضوح كلام مراة ثروت معاك
وهى بتصرخ فيك اطلع بره كأنها كانت جنبهم او تحت الشىقه
اكتر من واحد قال كده، العماره كلها قالت كده
ويمكن دا كان سبب برأتك لأن مستحيل حد يسمع صوت من البعد ده زى ما الطبيب الشرعى أكد
بس انت متأكد انك قعدت هناك عشر دقايق بس؟
قلتله ايوه والله ياباشا عشر دقايق مش اكتر
الضابط قال الكميرات جايباك وانت داخل العماره لكن مش جايباك وانت خارج
تقدر تقول ان لحظة خروجك اتمسحت من الكميرات او متسجلتش ودى كانت حاجه أغرب
لان شريط الكاميرا كان كامل ومسجل كل اللحظات والحركات لمدة 24 ساعه ما عدا لحظة خروجك
احنا رجحنا دا لخلل فى النظام او الكاميرا
لأن ببساطه لو انت مخرجتش من الشىقه والعماره كنا هنلاقيك فى شىقة مراة ثروت المقىتوله تانى يوم الصبح
انت شخص محظوظ، احمد ربنا ووقع على أقوالك وانصرف
ياريت مشوفكش تانى هنا
خرجت من قسم الشرطه متبرجل، مراة ثروت مىاتت ازاى؟
مين قىتلها؟
الضابط بيقول لقيو آثار خنق على رقبتها، عنيها كانت منفنجله ولسانها متدلدل وطالع من بقها، يعنى فيه شخص خنقها !!
والجيران سمعو صوت مراة ثروت وهى بتصىرخ اطلع برا ازاى؟
الدقيقه الى حددها الطب الشىرعى لوقاة مراة ثروت او قىتلها
كانت نفس الدقيقه إلى قريت فيها الورقه إلى دستها فى ايدى
عشان كده كانت خايفه؟
طيب خايفه من ايه؟
معقوله اكون انا سبب فى قىتلها؟
عصرت مخى اعرف سبب خوف مراة ثروت وبالصدفه عنيه جت على التليفون الصغير إلى كان بين ايديا بلعب بيه
وانا مش فاكر اصلا انى اخدته معايا القسم
فضلت باصص على التليفون بتركيز، امبارح التليفون مبطلش رن وانا فى شىقة المرحوم ثروت
بعد كده بطل رن ورن مره تانيه اول ما فتحت الورقه
افتكرت نظرات مراة ثروت للتليفون، خوفها واضطرابها وتوترها، كل دا اجمع فى دماغى
يكنش التليفون دا بيسمع ويشوف؟ يعنى فيه روح مثلا عايشه وتراقب، عشان كده مراة ثروت كانت خايفه وبتحاول توصلى المعلومه من غير ما التليفون ياخد باله؟
لدقيقه كنت هسخر من نفسى انى بفكر ان تليفون ممكن يعمل كل ده
لكن! أرواح الناس إلى راحت والى حصل معايا خلانى امشى ورا الخيط ده
القصه بقلم اسماعيل موسى
وصلت الشىقه، مراتى كانت مستنيانى على نىار بخوف
خدتنى فى حىضنها وقالت هنسيب الشىقه امتى؟
انا مش قادره، حطيت ايدى على بقها ومنعتها تكمل الكلام
همست، متقلقيش يا روحى كل حاجه هتبقى تمام
الحجات إلى كانت فى الحمام الكتابه إلى كانت على المرايه انا الى كنت بعملها
كنت بهزر معاكى ونجحت انى ارعبك، انا اسف بجد
وسمعت صوت مراتى إلى اتغير لمرعب، هزار؟
والشيخ إلى بيقراء القرأن كان هزار برضك؟
سبت ايد مراتى ورجعت لورا مرعوب ومصىدوم وانا عمال ابص فيها
الصوت طلع من بق مراتى فجأه حتى هى نفسها مخدتش بالها
مراتى نفسها، كانت واقفه مرعوبه لما شافتنى بعدت عنها وكانت بتبص عليه وحسيت انها عايزه تصرخ
قلتلها متزعليش انا اسف اهدى وقربت منها، مراتى صرخت فيه، فيه واحد..
يتبع.. الجزء الخامس من هناااا
