انت اتحننت
مسك شعرى واتكلم _ ايوة اتجنينت ولسة هوريكى الجنون على أصولة
“كان بيكلم وعيونة حمرا بطريقة غريبة انا خوفت منة ومكنتش عارفة اعمل اية رحت زقيت/ة وجريت عشان اخرج من الشـ,ـقة راح هو جرى وقفل الباب ووقف قصادى فضلت ارجع وهو يقرب جة يمسكنى رحت عضاة وزقيتة وقعتة على الارض بس لقيتة اغم علية !!
مش معقولة من زقتى وقع اغم علية بصيت علية اشوف ممكن يكون اتخبط فى د..ماغة ملقتش اى د..م رحت قومت بسرعة ورفعت فستان فرحى اللى انا لبساة ودخلت اول او..ضة قبلتنى وقفلت عليا !!
قعدت على الســ..ــــرير وانا عمالة افكر انهاردة المفروض فرحى واللى ضربنى دا جوزى فارس سرحت بأفكارى قبل شهرين لما اتقدملى فارس ساعتها كل اهلى كانوا شايفين انى لازم اوافق ازاى دا يترفض عريس لقطة زى ما بيقولوا وانا….عانس !
انا عندى 27 سنة وديما اهلى شايفين ان كدا خلاص قطر الجواز فاتنى وانا كنت تعبت من كلامهم ولما فارس اتقدملى ملقتش فى عيب شخص باين علية محترم ابن ناس اغنياء هو كان ناقصة حاجة واحدة انى مبحبوش او بمعنى اصح معرفوش اصلا لما قعدت معاة فى الرؤية الشـ,ـرعية متكلمناش اصلا هو فضل ساكت وانا مفتحتش كلام
بس الغريب انى لما صليت استخارة حسيت انى مرتاحة فوافقت وبابا فارس صمم ان الفرح يتعمل بسرعة وفعلا اتحدد الفرح بكتب الكتاب بعد شهرين وفى الشهرين دول مشوفتش فارس كنت ديما بقول تلاقية مشغول فى ترتيبات الفرح !!!!
طب المفروض اعمل اية دلوقتى اخرج واهرب بفستان فرحى ولا اتصل طب بأهلى طب حتى لو اتصلت هقولهم اية فوقت من سرحانى على خبط على باب الاوضة قومت بسرعة ومسكت الفاظة اللى لاقيتها جمبى ”
= ملاك انتى هنا …. اكيد انتى هنا لان باب الشقة مقفول بالمفتاح والمفتاح اهو فى جيبى …ملاك انتى قافلة على نفسك لية
” قافلة على نفسى لية هو اهبل دا كان هيموتنى من شوية”
– انت عاوز منى اية
ضحك= عاوز منك اية تقريبا انتى نسيتى ان انهاردة فرحنا افتحى يا ملاك
– افتح عشان تض/ربنى تانى
= اض/ربك تانى!؟ هو انا ض/ربتك اصلا
” هو لأما بيستهبل لأما بيستهبل بردوا مفيش حل تانى ”
= ملاك انا مش فاهم انتى بتقولى اية ممكن تفتحى الباب دا وتفهمينى
” كان بيكلم بهدوء غريب وانا مكنتش عارفة اعمل اية افتح الباب فعلا ولا لا ”
= متخافيش منى يا ملاك ….
” جملتة دى حسيستنى بألامان !! غريب ازاى حد كان هيم،،،و/تنى ودلوقتى وثقت فية !! فتحت الباب براحة وانا ماسكة الفاظة لاقيتة واقف بس اول حاجة لاحظتها ان عينة رجعت طبيعية تانى مش حمرا بصلى وشاف الفاظة اللى فى ايدى ”
= اهدى انتى خايفة كدا لية انا مش هأذيكى
” مش هتأذينى لا هتموتنى بس ”
– مش هتأذينى احنا اول لما دخلنا الشــ..ــقة ضــ..ــربتنى بالقلم
= انا عملت كدا !!
2
دخلت الشــ..ــقة ولسة برفع عينى حسيت بقلم نزل على وشى – انت اتجننت
” كان بيكلم وهو متفاجئ ومصدوم ”
= ملاك ارجعى اوـ,ـضتك وانا هنام فى الاـ,ـوضة اللى جمبك وياريت تقفلى الباب بالمفتاح
” مدانيش فرصة ارد ودخل الاوضــ..ــة التانية وقفل الباب وانا وافقة مصدومة رجعت الاوـ,ـضة تانى وقفلت الباب بالمفتاح فعلا زى ما قالى وفضلت افكر لغايت ما النوم غلبنى صحيت تانى يوم على خبطة على الباب ”
= ملاك اهلنا زمانهم جايين اصحى يلا
– تمام ثوانى وهاجى
“قومت وروحت عند المراية وبصيت على شكلى بفستان الفرح اللى نمت بية وضحكت بسخرية اللى وصلنى لهنا هو كلام الناس انى خلاص بقيت عانس مع انى لو فكرت انا لسة فى عز شبابى حتى لو متجوزتيش كفاية انى انا فخورة بنفسى
مش الشخص اللى بيجوز اسرع واصغر هو اللى فاز لاء الشخص اللى اتجوز الانسان الصح الانسان اللى مستعد يكمل حياتة معاة اصل دا جواز طول العمر لازم يكون اختيرنا صح عشان منتعبش طول عمرنا غيرت الفستان ولبسيت دريس كشمير وعلية طرحة نفس اللون
وجيت اخرج افتكرت فارس وتصرافاتة مبقتش عارفة اخرج ولا اعمل اية بس اطمنت لما سمعت صوت جرس الشـ,ـقة فتحت الباب لاقيت فارس بيسلم على باباة رحت وقفت جمب فارس وسلمت على باباة بس حسيت مرة واحدة ان فارس مسك ايدى قلبى دق جامد رفعت عينى لية لاقيت عينة مركزة على نقطة معينة بصيت عليها لاقيت مامتة داخلة ”
مش هتسلم عليا يا فارس
” بصيت على فارس لاقيت عينة بدأت تحمر محستش بنفسى غير وانا برد عليها ”
– لا لا اكيد هيسلم على حضرتك اتفضلى اتفضلى
” دخلتها وقفلت الباب وكل دا وفارس ماسك ايدى بصيت علية راح قرب منى وهمس فى ودنى ”
= متسبنيش وخليكى جمبى