
بعد أسابيع…
دخل أبوه.
الحاج حمدان الهلالي
راجل تقيل، كلامه محسوب.
قعد قدام ياسين وقال: – خلص الليلة دي يا ياسين.
ياسين بصله بعصبية: – خلص إيه؟
– تطلّق عطر.
وقف: – مستحيل.
– ده طلبها.
الكلمة خبطت فيه.
– فينها؟
– مش مهم تعرف.
المهم تعرف إن اللي عملته… ما يتسكتش عليه.
– أنا عايز أقابلها.
– هي مش عايزة تشوفك.
ياسين حس لأول مرة
إن الأرض بتنسحب من تحت رجله.
– أنا جوزها!
– كنت.
دلوقتي؟
إنت سبب هروبها.
سكت لحظة،
وبعدين قال: – لو طلقتها…
هترجع؟
أبوه بصله بحسم: – لأ.
الضغط زاد.
البيت كله عليه.
اسمه بدأ يتلطخ.
وفي الآخر…
وقّع.
تم.
من غير ما يشوفها.
من غير ما يسمع صوتها.
من غير ما يقول كلمته الأخيرة.
ودي كانت أقسى حاجة عليه.
—
يوليو 25, 2026
0 7٬048 8 دقائق




